Мақомоти иҷроияи ҳокимияти давлатии
ноҳияи Шамсиддин Шоҳин

Маориф

Рушди соҳаи иҷтимоӣ-махсусан соҳаи маориф яке аз самтҳои афзалиятноки сиёсати давлатӣ буда, ба масъалаи фароҳам овардани шароити зарурӣ барои рушди ин соҳаи ҳаётан муҳими ҷомеа мақомоти иҷроияи ҳокимияти давлатии ноҳия таваҷҷуҳи махсус зоҳир менамояд.

Теъдоди муассисаҳои таълимӣ соли 1992 дар ноҳияи навташкили Шамсиддин Шоҳин 34 ададро ташкил дода, ҳамаи онҳо куҳнаю фарсуда ва пурра таъмирталаб буданд. Ин шумора дар соли 2006 ба 50 ва дар соли 2018 ба 60 адад расонида шуд. Айни ҳол дар ноҳия 60 муассисаи таълимӣ, аз он 44 муассисаи таҳсилоти миёнаи умумӣ, 6 мактаби таҳсилоти асосӣ, 9 мактаби ибтидоӣ ва 1 кӯдакистон фаъолият менамоянд. Теъдоди омӯзгорон бошад аз 905 нафари соли 1992 дар соли 2018 ба 1071 нафар расидааст, афзоиши ин нишондод ба 18,3 фоиз баробар мебошад. Шумораи хонандагон дар соли 2015 нисбат ба соли 1992  2 баробар афзоиш ёфтааст. 

Муваффақияти хонандагони ноҳия дар озмунҳои фаннӣ хеле назаррас аст. Бори нахуст хонандагони ноҳия дар озмуни даври ҷумҳуриявӣ соли 1991 ииштирок намуда, медали аввалинро ба ноҳия оварданд. Хонандаи мактаби №1 Азизов Шералӣ дар озмуни ҷумҳуриявии «Фозилони ҳуқуқ» сазовори ҷойи дуюм ва соҳиби медали нуқра (муаллимаш Содиқов Розиқ) гардид. Соли 2016 бошад хонандаи синфи 11-и муассисаи таҳсилоти миёнаи умумии №34 Исматов Хикматулло Раҳматуллоевич дар олимпиадаи ҷумҳуриявӣ аз фанни алгебра сазовори ҷойи аввал ва медали тилло гардид.

Дар солҳои истиқлолият хусусан баъд аз қабул шудани Қарори Ҳукумати Ҷумҳурии Тоҷикистон аз 27.08.2008, №436 «Дар бораи Барномаи давлатии сохтмон, таъмиру азнавсозии мактабҳо барои солҳои 2008-2015, ки дар хонаҳои шахсӣ, вагонҳо, биноҳои маъмурию ҷойҳои ҷамъиятӣ ҷойгиранд» барои рушди соҳаи маорифи ноҳия корҳои зиёде ба анҷом расидаанд. Дар солҳои истиқлолият бинои нави 27 муассисаи таълимӣ (№2, 9, 12, 13, 14, 15,  16, 19, 27, 31, 32, 34, 35, 36, 40, 42, 43,45,46,47,48,50,51,53,54,55,56) сохта ба истифода дода шуд. Солҳои 2008-2016 се муассисаи таҳсилоти ибтидоӣ ва 17 филиали мактабӣ аз хонаҳои шахсӣ бароварда шуданд. Аз 12 муассисаи таълимие, ки дар ҳолати садамавӣ қарор доштанд, бинои 4 муассисаи таълимӣ аз нав сохта шуда, бинои 6 муассисаи таълимӣ аз таъмири асосӣ бароварда шуд. Дар ин солҳо дар назди муассисаҳои таълимӣ 34 синфхонаҳои иловагӣ сохта ба истифода дода шудаанд. Ҳамзамон 11 муассисаи таълимӣ аз таъмири асосӣ баоварда шудаанд.

Соли 2010 аввалин муассисаи томактабӣ таъсис ёфта, солҳои 2013-2014 маркази таҳсилоти иловагӣ ва маркази технологияи информатсионӣ ва коммуникатсияи назди шуъбаи маориф ба фаъолият шуруъ намуданд. Соли 2015 нақшаи компютеркунонии муассисаҳои таълимӣ пурра иҷро гардид.  

Ҳоло дар 60 муассисаҳои таълимии ноҳия наздики 11 ҳазор  нафар хонанда, 1071 нафар омӯзгор ба таълиму тарбия машғуланд. Дар байни омӯзгорони ноҳия (аз гузашта то имрӯз) як нафар соҳиби унвони Корманди шоистаи Тоҷикистон, 5 нафар соҳиби унвони «Аълочии маорифи халқи СССР», 146 нафар унвони «Аълочии маорифи Ҷумҳурии Тоҷикистон» ва 12 нафар соҳиби ордену медалҳо мебошанд.

Сайёҳӣ дар Тоҷикистон

Қурби асъор

 USD9.4253
 EUR10.6845 
 RUB0.1419 

 

Ҷустучӯ дар сомона

Сайёҳӣ ва ҳунарҳои мардумӣ

Тақвим

August 2019
Mo Tu We Th Fr Sa Su
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Мавзеъҳои таърихии ноҳия

Мавзеъҳои таърихии ноҳия


© 2019 Мақомоти ичроияи ҳокимияти давлатии ноҳияи Шамсиддин Шоҳин